تخيلوا...رومنسية في رحلة برية

إن كنت عزووووبي رح تزوج وتعال

وإن كنت متزوج الله يسعدك ويهنيك

ليس شرطاً أن تكون السعادة الزوجية بالسفر خارجاً

أو بدفع مبالغ طائلة

بل تستطيع أن تكون سعيداً مع زوجتك من خلال رحلة برية بسيطة

منها تغير جو المنزل وتسعد زوجتك وأطفالك وما تكلف نفسك ولا شي>> لاتحسبون إني بخيل

وانتي يا عزيزتي الأنثى
لاتظني السعادة بكثرة المال أو لبس أحسن الملابس

فعلشان كذا

قررت أنا وزوجتي المصون للذهاب إلى البر

أول الفكرة كانت الذهاب من أجل الفطور لكن شلناها من الراس

وقررنا نخليها غداء في البر

فصحيت الساعة 12 وصليت ورجعت

وصحيت المدام

وبعد مضي فترة من الوقت

دخلنا المطبخ علشان نجـهز أغراض الكبسة فقمنا بتقطيع البصل والطماط واللحم والفلفل والبطاطس والقرع

وصلحنا قهوتنا والشاهي في البيت

وبعدين حملنا الأغراض في السيارة ومشينا الى محل الغاز نبي نعبي الدافور غاز

الهندي يوم شاف الدافور قال : هذا سنة مافي شغل

لأن الدافور مغبر عالآخر

ومسكنا الطريق الى الصحراء

حتى وصلنا لمكان حلو

رمال تتوسطه شجرة الأثل

ونزلنا الأعراض

وجلسنا تحت ظلها لتحمينا من أشعة الشمس وحرارتها

وبعد ما اخذت فنجال

قمت وشبيت على الدافور

ووضعت القدر
وحمست اللحم ةالبصل ووووو....إلخ

واضفت الماء إليه
وتركته وحيداً

وجلست عند المدام نسولف وندردش ونهرج وألعب مع طفلي

وبعد ما مضت دقائق تقريبا ربع ساعة

رجعت وحطيت الخضار

وتركته لمدة 10 دقائق

وبعد كذا اضفت الأرز بعد ان تم تخميره بالماء في المنزل

ورحت لعبت مع طفلي وسولفت مع زوجتي

حتى جاء وقت الكشف عن غطاء القدر

وشاهدت أن الأرز قد شرب من الماء حتى غرق فيه

بعد كذا شلته من على الدافور ووضعته جانباً

وجبت المقلى ووضعت الزيت حتى يحتمي

وبعد ما احتمى اضفت الى الزيت البصل

وبعد كذا خلااااااااااااص

ما بقى شي الله لا يعوقنا بشر

إلا السفره لكن للأسف نسينا نجيب سفره معنا

لكن دامك في البر فلازم تمشي حالك بأي شي ولاتدقق

بعد كذا خلاص قمت و( نكبت ) وفي رواية ( غرفت ) الرز في الصحن

وخلاص بدينا بالأكل وبسم الله

وبعد ما شبعنا وحمدنا الله على نعمة الأكل

وبعد ما صار الصحن كذا

قمنا وشلنا الحوسة وغسلنا اليدين

وصلينا العصر

وبعد كذا لازم بعد هالكبسه ناخذ من يدين المدام أحلى بيالة شاهي بالنعناع

وشربت شاهي حتى عرقت

وبعد كذا اخذت الماء ولكن الماء صار ساخن

فقمنا بعد ما حملنا الأغراض علشان نمشي

وقبل لا اوصل السيارة شفت هالسحليه الحلوة

وركبنا السيارة وسرنا في طريقنا

وحنا راجعين شفت هالبرادة ياسلااااااااام عطشاااااااان وابغى اروي ظماي

فنزلت وفي يدي كاس من ورق

ولما وصلت وزادت فرحتي

تهئ تهئ طلعت البرادة ما فيها ماااااااااااااء

فرجعت بخفي حنين

وبعد ما مشيت 2 كيلو

حصــلت برادة ثانية

والحمدلله رويت ظماي

( هنا في صورة لكن شلتها هع )

وكملت حتى وصلت الى البيت
واخذت دش سريع بعد الرحلة الممتعة

منقوول

يسلموو على الموضوع الرائع

انشالله اذا تزوجت امشي المدام

واونسها نروح لكل مكان ^_^

موضوعك رائع تقبل مروري

الله يوفقك أخوي ملك الإحساس وتتزوج

لاتنسانا

شاكر لك على مرورك لموضوعي

والله رحله رائعه وتصلح ايضا للعزاب مو بس المتزجين وان شاء الله نتزوج ونودي زوجاتنا وعيالنا للبر موضوع رائع
تقبل مروري

اللهم آمين

وتروح اللي تبي وياها

شاكر لك تفاعلك مع موضوعي